síðasta helgi var algjört æði.. það er orðið að markmiði hérna að nýta helgarnar eins vel og hægt er þar sem að það eru nú ekki nema fjórar eftir.. alltof stutt.

á föstudeginum var ferðinni heitið til dallas og kíkt í dallas world aquarium og það var alveg einum of gaman..

ég hitti þennan sem var alveg ofboðslega upptekinn við það að springa úr krútti..

mikið væri lífið nú yndislegt ef að maður gæti átt einn svona sem gæludýr

á laugardaginn ákváðum við krakkarnir að leggjast í smá leiðangur og rölta útað lake georgetown sem er voða fallegt stöðuvatn hérna við bæinn.

þessi litla laugardagsrölt endaði í tveggja tíma göngu áður en við komumst að vatninu þrátt fyrir að það taki bara 10 mínútur að keyra þangað frá campusnum..

í upphafi göngu.. allir hressir og kátir

eftir allt þetta labb komumst við útað vatninu um sex leytið og slöppuðum af í smá stund..

þetta var alveg labbsins virði

en þegar komið var að því að labba til baka voru ekki allir jafn hressir þar sem að sumir voru komnir með blöðrur á fæturnar eftir að hafa gengið í þessa tvo tíma í flipflops..

við, af einskærum gáfum, ákváðum að fara ekki eftir sama göngustígnum til baka en hann lá meðfram ánni sem að rennur í gegnum georgetown.. þess í stað ákváðum við að ganga meðfram veginum sem lá frá vatninu (helst vegna þess að okkur langaði í ís og það eru nú meiri líkur á því að að það sé ísbúð meðfram veginum heldur en ánni) og sjá hvernig (og hvort) hann myndi leiða okkur heim..

við, af enn meiri gáfum, kveiktum illa á því að það var farið að rökkva þar sem að klukkan var nú rúmlega sex og að við myndum líklegast labba hluta af leiðinni í kolniðamyrkri.. sem er ekkert ofboðslega sniðugt á óupplýstum vegi í texas þar sem að það bílstjórar búast engann veginn við því að rekast á gangandi vegfarendur því að það telst jú til einstaklega afbrigðilegrar hegðunnar að labba þegar þú getur keyrt um á pikköpp.

svo að þarna vorum við labbandi í vegarkanntinum á, að því virtist, óendanlega löngum vegi, öll við það að leka niður af þreytu og sáum fram á það að enda sem ein heljarinnar roadkill hrúga í lok kvölds..

en eftir nánast klukkutíma labb sáum við lítinn ljósbláan toyota prius hægja á sér og stoppa útí kannti.. inní honum var yndisleg himnasending, lítil krullhærð sjötug kona með bleikan sólhatt sem bauð okkur öllum far þrátt fyrir að við værum einum of mörg til að passa í bílinn..

við þökkuðum henni kærlega fyrir (ég hef sjaldan verið eins ánægð með það að setjast inn í nokkurn bíl) og hún sagði okkur að hún hafði keyrt fram hjá okkur og við höfðum virst svo ofboðslega týnd að það gæti ekki annað verið en að við værum southwestern nemar sem væru búin að snarvillast (mikið rétt)...

svo að krúttið keyrði okkur aftur til baka útá campus :)

þar sem að upprunalega ætlunin með þessu stórhættulega vegalabbi var að fá sér ís þá ákváðum við að skella okkur í smá ísferð (í þetta sinn á bíl) og verðlauna okkur fyrir einstaklega ævintýralegan dag..

shakes.. svo gott!

camilla með ísinn sinn og warren að panta sinn

alltaf bætist meira og meira á verkefnalistann í apríl.. ég held að ég hafi aldrei verið með svona verkefnabyrði á mér.. en það er alveg merkilegt hvað ég er tiltölulega lítið stressuð þrátt fyrir að vera nánast grafin undir verkefnum.. mottó mánaðarins er klárlega blanda af "ég get, ætla, skal!" og "þetta reeeeeddast"

fyrir utan helgar er oftast ekki meira en tveir dagar á milli verkefnaskila..

ég held ég verði alveg ogguponsu glöð þegar þetta verður búið

en já.. þrátt fyrir þetta verða næstu helgar nýttar eins vel og mögulegt er..

á laugardaginn næsta er stefnan tekin til austin að sjá girl talk spila á útitónleikum.. veðurspáin lofar bara góðu svo að þetta getur ekki klikkað

hérna er meistari girl talk að verki fyrir þá sem að ekki þekkja..

þessi maður er algjör mashup snillingur.. fær mann alveg til að dilla bossann! :)

jæja..

farin að lesa

eva

elsku elsku ebay..

ég veit ekki alveg af hverju þessi ebay árátta mín byrjaði en eftir að þetta samband okkar hófst langar mig eiginlega ekkert að kíkja í venjulegar búðir..

þetta er svo miklu, miklu skemmtilegra

og það er hægt að fá svo fáránlega fallega hluti fyrir svo gott sem kúk og kanill!

dæmi um nýlega sigra

þessar stuttbuxur.. fýla þær í tætlur

allar stuttbuxurnar í búðunum hérna úti eru bæði fáránlega stuttar,

úr stretch ógeði og yfirleitt það látt skornar að það er ekki

fyrir fólk með venjulega rassa að vera í þeim

og þessi jakki...

jakkinn+ sendingarkostnaður= $16

hvernig er ekki hægt að elska þetta?

þessi skyrta/jakki

get ekki beðið eftir því að fá hann í hendurnar

ooooog svo þessi elska..

ahhh ég er alveg fáránlegur sökker fyrir flottum pallíettum

og svo má ekki gleyma að með þessu fær maður plús í kladdann frá móður náttúru fyrir að endurnýta gömul föt og gefa þeim nýtt líf..

sem gerir þetta ennþá skemmtilegra

plús að gömul föt eru með skemmtilegan karakter, alveg eins og gamlir bílar :)

jæja..

farin af ebay í bili og dottin í ritgerðarskrif

eva

smá sýnishorn af prógramminu þessa önnina.. þetta er sem sagt litla dagatalið mitt sem að ég bjó til svona aðeins til þess að reyna að vera skipulögð.

inná þessu eru ritgerðirnar/verkefnaskilin/prófin sem að voru sett fyrir í febrúar, mars og apríl.. (venjulegur heimalestur, sem er nú alveg nægur fyrir, er ekki tekinn með í þetta)

það eru sem sagt að meðaltali tvö skil á viku þannig að þegar ég segi að ég sé búin að eyða þessari önn lærandi þá er það enginn misskilningur

vantar samt ennþá eina stóra og tvær litlar ritgerðir inní apríl, sé fyrir mér nettan panikk í seinnihluta mánaðarins þar sem að þrjú ritgerðarskil og stóra skilaverkefnið í rannsóknum lenda í sömu vikunni... en þetta reeeeeeddast :)

anywho..

ég lenti í skemmtilegu samtali við bandarískan bankakall á mánudaginn..

ég ákvað sem sagt að fá mér bandarískt debetkort og rölti yfir í bank of america eftir síðasta tímann minn...

hitti þar þennan alveg ofsa hressa bankakall

það eru nú ekki það margir útlendingar í elsku litla georgetown svo að honum fannst það alveg ofsalega áhugavert að ég væri íslensk og eins og sönnum kana sæmir þá fylgdi spurningaflóðið með:

ísland er grænt er það ekki?

er samt ekki kalt þar?

hvaða tungumál taliði?

taliði líka ensku?

hvað borðið þið?

við hvað vinnur fólk?

hvað gerir fólk sér til gamans?

hefuru séð norðurljós?

en ísbjörn?

hvernig berðu fram nafnið þitt?

hvaða stafur er þetta (þ)?

og svo framvegis

svo kom skemmtilega spurningin..

hann: is america expensive for you?

ég: a bit, well, it's at least more expensive than it used to be since our currency just collapsed.

hann: aaa i see.. well you're still lucky you didn't screw up like greece, that's one hot mess right there i can tell ya!

... ég sagði já og brosti bara framan í glórulausa bandaríska bankakrúttið... naut þess alveg í nokkrar mínútur að vita af því að fyrir sumu fólki á sumum stöðum erum við ennþá bara svala ísland sem að er grænt á litinn en ekki ísilagt..

ignorance is a bliss, ekki satt?

jæja eftir bilaða prófatörn í síðustu viku er þessi vika búin að einkennast af engu nema afslöppun enda komið spring brake og engin kennsla fyrr en á mánudaginn í næstu viku.

afslöppunin er búin að vera það mikil að þrátt fyrir að sumartíminn hafi verið tekinn upp á sunnudaginn þá tók ég ekki eftir því fyrr en á þriðjudaginn.

campusinn er búinn að vera alveg frekar tómlegur þar sem að flest allir fóru á eitthvað flakk yfir fríið en krakkarnir eru að fara að týnast til baka frá og með morgundeginum...

stefnan um helgina verður svo tekin á sxsw en það er tónlistar og kvikmyndafestival sem haldið er í austin í mars á hverju ári.. ætti ekki að vera leiðinlegt

og hey..

hlustið á þetta

þetta lag er í smá uppáhaldi þessa dagana

víj

eva-í-fríi

tveir mánuðir í heimkomu..

smá panikk... bara smá... úff

langar svo afskaplega ekkert heim, sérstaklega ekki núna þegar vorið virðist vera komið í georgetown, sólgleraugun eru á lofti alla daga og það er nógu heitt til að labba um á stuttbuxum á kvöldin án þess að verða kalt..

miðannavikan að hefjast.. sem þýðir fjögur próf stór próf á einni viku, held bara að ég hafi aldrei tekið svona mörg próf á svona stuttum tíma fyrir utan lokapróf..

en miðað við hvað ég er búin að eyða miklum tíma lærandi á þessari önn þá ætti þetta að reddast, svona nokkurn veginn allavega..

---------------

í mínum bókum er það þannig að með lærdómi verður að fylgja músík,

svona geðheilsunnar vegna.

ætla rétt að deila með ykkur hvaða elskur það eru sem

mig grunar að muni halda mér gangandi í gegnum næstu viku

the xx- þessir krakkar frá london eru búnir að bjarga nokkrum lærdómskvöldum,

mana ykkur til að tjekka á þeim því að þau eru yndisleg..

hlustið á þau.. do it!

-----------------

mumford and sons- þessar elskur koma líka frá london og eru ofsalegir fyrir þær sakir að þeir ná að fá banjó til að hljóma töff.

i rest my case,

check it!

-----------------

florence and the machine- megið giska hvaðan þau koma...

london?

já.

ég sver að hún er með flottustu rödd sem að ég hef heyrt í langan tíma..

-----------------

og hvað haldiði nema að ég hafi ekki rekist á the xx covera you've got the love með florence and the machine...

hversu magnað?

farin að læra..

eva

ég viðurkenni alveg að ég er búin að vera fáránlega löt við að henda einhverju hingað inn.. alltaf á leiðinni samt, en núna kemur loksins eitthvað smá enda næstum mánuður liðinn frá síðasta pósti..

hvað er búið að gerast síðan þá..

jú handboltaæðið náði alla leið frá íslandi og yfir í mccombs íbúð 124 hérna í georgetown

ég náði að hræða líftóruna úr stelpunni sem ég bý með þegar ég var öskrandi yfir handbolta inní herbergi, greyið hringdi í vinkonu sína og fékk hana til að koma yfir þar sem að hún hélt að það væri eitthvað rosalegt að hjá mér..

hún hélt fyrst að ég hefði dottið í sturtunni og meitt mig en nei, nei þetta var bara ísland að gera jafntefli við austurríki..

viðurkenni alveg að það var smá vandræðalegt að koma fram eftir leikinn og útskýra fyrir þeim tveimur að þetta hafi bara verið handbolti

ég og vinur minn tókum okkur samt til fyrir undanúrslitaleikinn og brutumst inní skólakaffihúsið klukkan sjö um morguninn og horfðum þar á leikinn á breiðtjaldi... get nú ekki sagt að það hafi verið leiðinlegt að horfa á hann í alvöru stærð í staðinn fyrir fartölvuskjáinn svona einu sinni..

-------------------

skólinn gengur sinn gang, ég fýla alla áfangana mína og hef aldrei eytt jafn miklum tíma í heimanám eins og nú.. en sem betur fer er það búið að skila sér í einkunnum hingað til svo að planið er að halda því áfram eins og ég get..

-------------------

ég er búin að kynnast fullt af nýju fólki sem að byrjaði í skólanum í janúar, vinahópurinn er allavega frekar fjölbreyttur.

ég, íslendingurinn..

danska stelpan sem er asísk.. var sem sagt ættleitt frá suður kóreu sem barn og talar ensku með breskum hreim eftir að hafa búið í bretlandi og í nýja sjálandi...

strákurinn sem að var sendur af foreldrum sínum til bandaríkjanna frá angola þegar hann var tólf ára ásamt systkinum sínum til þess að fá menntun og um leið flýja óeirðirnar sem hafa verið gegnum gangandi í landinu síðan um 1975..

og svo bandaríski strákurinn sem að er fyrrum hermaður og fór tvisvar til íraks og vann svo sem slökkviliðsmaður á suðurskautslandinu í heilt ár.. (já ég veit ekki alveg hversu mikið var að gera hjá honum þar)

en eins fjölbreytt og við erum þá náum við merkilega vel saman..

-------------------

ég keypti mér nýja myndavél um daginn... hörku vél..

sem þýðir reyndar að það verður svo sem bara borðað í mötuneytinu hérna næstu vikurnar.. eehhemm..

en það er alveg þess virði þar sem að myndirnar eru sweet!

tók þessa af texas þinghúsinu á laugardagsrölti um austin um helgina..

jæja

læra

eva

:)

uppskrift að fullkomnum janúar þriðjudegi

koma úr síðasta tíma dagsins

+

22°c

+

sumarkjóll

+

sólgleraugu

+

fallega gult sjóræningjahjól sem að bíður eftir manni fyrir utan skólabygginguna

+

gobbledigook- sigur rós í ipodinum

+

þjóta um eins og vindurinn á sjóræningjahjólinu einn hring um fallegasta campus í heimi

ef að þetta kemur þér ekki í gott skap þá gerir það ekkert!

og já...

það er alveg magnað hvað tónlist getur gert

fólkið sem að hún minnir mann á

og staðirnir

fyrir utan það að vera svoleiðis argandi snilldarlega gert mashup

þá minnir hver einn og einasti lagbútur í þessu

mig á fyrstu önnina hérna úti...

þykir rosa vænt um þetta! haha! :)

farin aftur að læra!

eva

allt í gangi...

mætt aftur til tejas! kom hingað fyrir viku síðan í algjöran skítakulda... fyrsta kvöldið eyddi maður fyrir framan sjónvarpið að horfa á úrslitaleikinn í háskólaboltanum en í ár voru það texas (sem sagt university of texas hérna í austin) og alabama sem að mættust.. reyndar voru allir búnir að spá alabama sigri fyrir leikinn enda eru þeir með mun sterkara lið en við (já ég er orðin svo mikill texasgimpi að auðvitað segi ég "við")...

...og auðvitað rústuði alabama leiknum...

samt magnað að þrátt fyrir að ég horfi aldrei almennilega á leikina hérna þá var maður alveg dottinn ofan í þennan enda texas hjartað búið að koma sér nokkuð vel fyrir í manni.. td. fékk ég vægast sagt rosa sjokk þegar colt mccoy (quarterbackinn og besti leikmaður UT) þurfti að fara af velli vegna meiðsla og hrópaði svo hressilega á menn fyrir að ná ekki að grípa auðveldustu sendingar í heimi.. og allt þetta haldandi á bud light.. nokkuð viss um að ég gerist eiginlega ekki meiri kani takk fyrir..

--------------------

laugardagurinn síðasti var kaldasti dagurinn hérna á austin svæðinu í 14 ár en hitinn fór niður í sirka -12°c um nóttina.. þetta kvöld horfði ég á veðurfréttirnar þar sem að þeir voru með innslag sem hét "places warmer than austin" en þessi listi samanstóð af þrem stöðum:

reykjavík, iceland

blablabla, alaska

blablabla, anartica

(náði ekki nöfnunum á seinustu tveim stöðunum þar sem að ég var alltof upptekin við að hlægja af því að sjá reykjavík þarna)

þetta fannst þeim alveg ofsalega merkilegt en fólkið getur andað aðeins léttar núna þar sem að veðrið er aftur orðið að eðlilegu janúarveðri.. a.k.a. stuttbolaveðri

--------------------

annars er það í fréttum að ég er komin með nýjan íbúðarfélaga.. fínasta stelpa og okkur kemur bara mjög vel saman...

en svo er ég líka komin með nýjan nágranna.. fýla hann ekki alveg jafn vel..

af hverju?

jú drengurinn hrýtur það hátt að það heyrist alla leið úr íbúðinni hans og yfir í herbergið mitt.. þetta er bara alveg ótrúlegt

en um að gera að líta á björtu hliðirnar... þetta þýðir bara það að ég er komin með mjög góða ástæðu til þess að fara snemma að sofa á kvöldin svo að ég verði nú sofnuð áður en að hrotuskrímslið fer af stað :)

--------------------

annars er kennslan komin á fullt og vægast sagt brjálað að gera.. ég tek fimm áfanga hérna úti (international organization, intro to political theory, us foreign policy, the effect of climate change on politics in africa og public policy) og svo elsku rannsóknir í fjarnámi heima... bókastaflinn hefur aldrei verið hærri og það stefnir alveg klárlega í erfiðustu önnina á öllum mínum háskólaferli svo að það er um að gera að lesa, lesa og lesa..

ég fæ nú samt ágætis frí um helgina... bara einn tími á morgun og svo er frí á mánudaginn (martin luther king dagurinn)

jæja.. best að fara að lesa fyrir morgundaginn

eeeeva

jæja.. ætla ekki að vanrækja þetta blogg of mikið...

hvað er ég búin að gera af mér síðan seinast?

jú.. læra.. skrifa ritgerðir, glósa greinar, fara í próf.. allan pakkann

en á þriðjudaginn síðasta fékk ég loksins að fara í kærkomið frí enda komið að thanksgiving brake...

eldsnemma á þriðjudagsmorgunn var ég sótt uppí skóla af eina (og rándýra) shuttle fyrirtækinu hérna í georgetown og keyrð uppá flugvöll..

ég deildi þessari 40 mínútna bílferð með elskulegri konu og mikið rosalega er það merkilegt hvernig kanar finna sig knúna til að deila ævisögunni sinni með þér ef að þeir sitja við hliðina á þér í einhverju farartæki... á innan við 10 mín var ég búin að fá að vita:

hvað hún heitir

hvert hún er að fara í vinnuferð

og af hverju hún er að fara þangað

hvar kallinn hennar kennir

og hvað hann kennir

og hvar honum var að bjóðast annað starf

en af hverju hann afþakkaði starfið

og hvað henni finnst leiðinlegt að fljúga

og að hún var í hernum

og að hún þurfti að fljúga alltaf alveg rosalega forever lengi og mikið með hernum

og að hún er ekki frá texas

að hún er í alvörunni frá missouri

en hvað henni finnst texas æði

og hvað pabbi hennar vann í "papermill" bransanum þegar hún var krakki

og að þau voru endalaust að flytja

en núna eru mamma hennar og pabbi skilinn

og mamman komin með nýjan kall

en pabbinn er bara aleinn..

og svo um að hún eigi tvö börn

og hún getur ekki ferðast eins mikið og hún vildi að fyrst að hún þarf víst að borga fyrir háskólann fyrir krakkana

og hvað bróðir hennar á enginn börn

svo að hann og konan hans fara alltaf í last minute ferðalög

en að þau eigi nú von á barni í næsta mánuði

svo að núna verða þau að hætta að fara í last minute ferðalög

og að thanksgiving er alltaf voða lítið mál því að það á engin börn í fjölskyldunni

nema auðvitað hún og kallinn hennar

en núna er það að fara að breytast

af því að eins og hún var búin að segja er bróðir hennar að fara að eignast krakka..

fyrirgefiði en þetta er bara aðeins of mikið af upplýsingum þegar maður er algjörlega ósofinn kl 4 á morgnanna..

en fyrst það er víst frekar dónalegt að taka upp ipodinn og skella honum í eyrun í miðju samtali (eða ræðu, fer eftir því hvernig maður horfir á þetta) þá sat ég bara og reyndi að sýna áhuga á milli þess sem að ég var skíthrædd um að ég væri að fara að missa af fluginu mínu..

allavega fannst bílstjóranum það alveg vera "heeeellings" tími að vera mætt útá völl 55 mín fyrir flug þar sem að það væri nú sko ekkert að gera á flugvellinum...

en svo þegar við vorum loksins komin uppá völl var "oooh boy" það eina sem heyrðist í honum.. hann gat varla lagt bílnum útaf öllum fjöldanum af liði sem var þarna.

en á einhvern ótrúlegan hátt náði ég að setja hraðamet í því að komast í gegnum völlinn.. í fyrsta lagi býður american airlines uppá snilld sem heitir curbside check-in.. jú, þú getur tjekkað þig inn útá gangstétt ef að þú ert í innanlandsflugi! haha! snilld!! (og ég komst að því eftir þessa ferð að þetta er það eina sem er gott við american airlines)

allavega var enginn að kveikja á að tjekka sig inn þarna nema ég.. og svo einhvern veginn náði ég að lenda á undan allri röðinni í öryggisleitinni..

svona þegar maður mætir í röð og það er nánast enginn þar en svo lítur maður til baka mínútu seinna og þá er röðin komin útá götu... akkúrat þannig.

svo að ég komst í gegnum allan pakkann á 15 mínútum á háannatíma! hah! geri aðrir betur :)

---------------------

en talandi um flugið þá er það alveg á hreinu að american airlines er hundleiðinlegt flugfélag sem að ég mun forðast með öllum mínum lífsins sálarkröftum að ferðast með í framtíðinni.. þeir rukka 20 dollara ef að þú vilt tjekka inn tösku og svo 30 dollara fyrir tösku númer 2.. svo náttúrulega ef að þú ert með yfirvigt skella þeir auka 50 dollurum oná þetta allt saman svona til að gera þetta skemmtilegra (slapp við það í þetta skiptið en er rosalega fegin að ég á ekki miða með þeim heim um jólin! hah!)

svo er ekkert að gera í vélinni.. það þýðir ekkert að láta sig dreyma um að horfa á þátt eða mynd þar sem að það er ekki einu sinni útvarp.. venjulega er hægt að stinga heyrnartólum í sætisarminn og hlusta á eitthvað... þarna er ekki einu sinni gat í sætisarminum fyrir heyrnartól

neinei, það eina sem var til boða var hávært flugvélahljóð, sérstaklega þegar heppið fólk eins og ég lendir í sætinu sem er akkúrat við hliðina á hreyflinum (hreyfillinn var ekki undir vængnum heldur aftast í vélinni og fyrir glugganum mínum).. og hvaða djók er það að þegar maður biður um gluggasæti að maður er látinn fá eina sætið í vélinni þar sem að risa hreyfill koverar gjörsamlega allan gluggann eins og hann leggur sig?

og svo var ég ekki frá því að ég væri í einhverri flugvallaútgáfu af falinni myndavél þegar tjekkinn röðin á o'hare á leiðinni til baka til austin stoppaði hreinlega akkúrat þegar komið var að mér á og SJÖ stykki af yndislegum american airlines starfsmönnum mánaðarins ákváðu bara að hætta að vinna uppúr þurru og standa bara við deskin sín, stara útí loftið og bora í nefið í staðinn fyrir að kalla á næsta kúnna, þeas mig...

alveg það skrýtnasta sem að ég hef lent í á flugvelli.. fannst svona hálfpartinn eins og þeir væru búnir að gera veðmál um hversu lengi næsti kúnni, aka ég, (og jafnvel hinir 50 manns sem voru í röðinni) myndi halda það út áður en að ég færi að öskra á einhvern starfsmann..

svo loksins eftir 10 mín var eini starfsmaðurinn sem gerði eitthvað þarna búinn að afgreiða blessuðu 5 manna fjölskylduna sem var á undan mér í röðinni og ég fékk loksins að komast að..

svo loksins (já nei ég er ekki hætt að röfla) 10 mín fyrir boarding er kallað í hátalarakerfinu "elsku austin farþegar.. það er búið að skipta um gate.. (soooooorrrrrryyyyyyy sökkers)... þið eruð í k3 en ekki h16" vantaði bara að þeir bættu við "run forrest, run!!"

plúúúúús að american andskotans airlines náðu að slíta handfangið á töskunni minni af eins og það leggur sig svo að núna verð ég með tvær fatlaðar töskur á leiðinni heim um jólin; önnur án topphandfangsins og hin án rúlluhandfangsins.. æði..

já.. ég veit, ég er að farin að röfla eins og gamla fólkið sem að kvartar undan ómerktum köttum og lötum unglingavinnukrökkum í velvakanda í mogganum! hahaha...

aaaaaalllavega

hvað var ég að gera á o'hare í chicago?

júbb ég var að heimsækja greg vin minn frá ítalíu eftir að hafa ekki séð hann í rúm fimm ár.. svo að frá chicago var stefnan tekin á madison, wisconsin með þriggja tíma rútuferð.. sem ég ætla ekki að röfla um.

madison var æði og einkenndist af skemmtilegu fólki, góðum mat, enn betri bjór, ferðir í bruggsmiðjur, jólagjafaleiðangur (þar sem að listinn í ár var næstum því kláraður), alvöru ekta thanksgiving mat og fullt af svefni:)

ég fékk meira að segja smá af mjög svo kærkomnum snjó...

------------------

en ókei... einn jákvæður hlutur um american airlines (sem er samt sem áður eiginlega ekki þeim að þakka en samt)...

á meðan ég sat fyrir utan hliðið á o´hare, sem reyndist svo á endanum vera vitlaust hlið, var american airlines merkið allsstaðar.. og það eina sem ég náði að hugsa um var

o´hare + american airlines merkið + jólaskreytingar : home alone

og sú mynd kemur manni alltaf í gott skap :)

plús að home alone minnti mig óendanlega á new york ferðina mína um þarnæstu helgi

--------------------

ég get ekki beðið eftir jólastemminguni í ny!

tréð við rockafeller, allar jólaskreytingarnar og rjúkandi starbucks... ég er búin að downloada home alone soundtrackinu og það fær sko að rúlla í ipodinum allan tímann (ekki grín)

plús að ég á miða á the radio city christmas spectacular þar sem að ég ætla að leyfa mínu innra jólabarni að njóta sín með öllum hinum litlu krökkunum..

sætið mitt er reyndar alveg útá siglufirði en mér er svo alveg sama.. ég verð bara að muna eftir gleraugunum :)

þetta verður magnað!

ég fæ sko gæsahúð af tilhlökkun..

svo á sunnudagskvöldinu verður stefnan svo tekin á ísland!

get nú ekki sagt að tilhlökkunin fyrir því sé neitt minni :)

eva sem er alveg að fara að detta í próflestur

ég veit.. pínkuponsu kjánahrollur...

eeeeen ég fann nokkur vídjó sem að sýna nokkuð vel hvernig campusinn hérna lítur út og ákvað að deila þeim með ykkur svo að þið sjáið svona smá hvernig hann er.. eða allavega hluti af honum..

þetta fyrsta er kynningarmyndband fyrir homecoming sem verður haldið í hundraðasta skiptið núna um helgina

fyrsta byggingin sem að myndavélin stoppar hjá er cullen, þarna eru þrír af fjórum áföngunum sem ég er í á þessari önn kenndir.. eldgömul bygging með fúkkalykt á efstu hæðinni, en samt rosalega flott...

önnur byggingin er mest megins skrifstofur en með nokkrum stofum.. hún er frekar spes að innan og er sú bygging hérna sem að ég forðast helst að fara í á kvöldin... mjög spúkí

næst er það aðalbyggingin.. mötuneytið, pósthúsið, kaffihúsið og allt það...

síðan er það FAB sem ég hef aldrei farið í.. enda er þetta listadeild skólans og ég hef ekkert að gera þangað

síðasta stoppið er á "the mall" sem er grasbletturinn á miðjum campusnum... konan stendur fyrir framan campus kirkjuna en beint fyrir framan kirkjuna er innsigli skólans

takið eftir því að enginn af fólkinu sem labbar framhjá henni stígur oná innsiglið.. það er víst hjátrú að ef að þú stígur oná það þá muntu ekki útskrifast og þar af leiðandi forðast það allir! haha! :)

---------------

við erum southwestern university pirates..

það útskýrir næsta vídjó

---------------

þetta næsta er alveg hrikalega, brjálæðislega eins amerískt og væmið og vídjó geta mögulega orðið, fiðlubíómyndatónlist og meira að segja hörpusláttur inná milli...

eeeen það sýnir campusinn alveg rosalega vel..

uppúr 4:42 sjáiði gráhærðan kall í rauðri skyrtu.. þetta er einn af prófessorunum mínum dr. o'neill (yndislegi maðurinn sem að ákvað að láta mig taka 2 próf daginn eftir afmælið mitt) að kenna í stofunni sinni... svo að þarna getiði séð nákvæmlega hvar og hvernig ég eyði tveimur af þessum fjórum áföngum sem að ég er í :)

og svo stuttu seinna sjáiði manneskju sem labbar yfir innsiglið, þessi er ekki að fara að útskrifast! hahahaha!

jæja... back to the books!

eva

góða kvöldið!

halloween síðustu helgi og það var frekar magnað

halloween+ laugardagskvöld+ fullt tungl+ 60.000 manns á 6th street + ein úr hópnum er með "open tab" á næstum hverjum einasta bar og segir manni að gjöra svo vel og drekka : EPÍK!

eftir frekar stuttar vangaveltur yfir búningi í risastóru partýbúðinni ( þar sem að ég var með fimmtíu öskrandi og æsta krakka í halloween-brjálæðis-æsingi í kringum mig) ákvað ég að taka rómverjann á þetta..

þetta var útkoman og einhverra hluta vegna var ég kölluð zelda allt kvöldið.. rómverjar ná ekki í gegn hjá kananum, bara tölvuleikir..

ég og stephanie skelltum okkur sem sagt niðrí austin á halloween og vorum svo heppnar að vera með gistingu hjá vinkonu hennar sem að er í UT (university of texas í austin... risa skóli)..

allavega held ég að ég hafi aldrei áður upplifað annað eins kvöld..

ég dansaði við súperman

drakk jager með borat

var bókstaflega gripin höndum og hent uppí loft og næstum því rotuð af araba sem birtist out of nowhere og ákvað að taka mjög frumstæða sveiflu á dansgólfinu án þess að ég hefði eitthvað um það að segja..

hitti greenman og stökk næstum því á hann af gleði þegar ég sá hann útá götu, klárlega toppur kvöldsins fyrir it's always sunny in philadelphia nördinn

tók strætó um miðja nótt með örugglega um 100 öðrum fyllibyttum (inní þessum eina litla strætó).. að ég skuli ekki hafa týnt sjálfri mér þarna í fjöldanum er alveg magnað

og varð svo að lokum að treysta á belju til þess að finna leiðina heim því að býflugan og fallni engillinn voru báðar dauðar í strætónum..

aaaaahhh.. good times! hahaha!

--------------------

annars er það bara back to business þessa dagana..

ég held að ég muni svo gott sem alveg einangra mig með bókunum á morgun þar sem að ég á að skila ritgerð og taka miðannapróf á fimmtudaginn.. þ.e.a.s daginn eftir afmælið mitt..

svo að stefnan er tekin á að klára ritgerðina og mestan prófundirbúninginn á morgun svo að ég geti nú gert eitthvað annað en að læra á afmælisdaginn..

sérstaklega þar sem að það er ekki á hverju ári sem að maður á afmæli á miðvikudegi og er staddur á einum af þeim fáu siðmenntuðu stöðum í heiminum þar sem það er talið fullkomlega eðlilegt (og reyndar ætlast til þess) að maður hrynji í það á miðvikudagskvöldum

--------------------

svo er homecoming næstu helgi svo að manni ætti ekki að leiðast þá, þó að ég viti voða lítið um hvað það snýst..

en það hlýtur nú bara að vera gaman

--------------------

svo er það í mjög svo seinbúnum fréttum að ég fer til wisconsin í thanksgiving fríinu mínu...

ætla loksins að láta verða af því að heimsækja hann greg vin minn..

ég get ekki beðið, vika af kulda og snjó! hahaha!

jæja...

ritgerðin kallar...

eva

p.s. nýtt kommentakerfi.. það er hægt að kommenta í gegnum feisbúkkið sitt! evu nörd finnst það alveg magnað..

jæja.. held að það sé kominn tími á eitthvað smá hérna inn...

hvað er búið að gerast síðan seinast...

jú

stelpurnar komu í heimsókn sem var ÆÐI.. helling hlegið, spjallað og verslað í heila fimm daga..

við afrekuðum ýmislegt, meðal annars það að verða bestu vinir starfsfólksins í wal-mart og það að ná að villast í sirka hálftíma í einni af hinum óskiljanlegu umferðaslaufum austin... allt útaf æðislegu gps vinkonu okkar sem átti það til að segja uppúr þurru "turn right NOW" og við bara: haaa? bíddu áttum við að beygja þarna?"...

hún var allavega ekkert mikið fyrir það að gefa okkur langa fyrirvara á því hvenær við ættum að beygja.. en við lifðum þetta af enda sveinbjörg hörku dræver..

svo fórum við líka á snow patrol tónleika sem eru með þeim bestu sem ég hef séð... i'm in loooove.. allavega er það alveg á hreinu að ég stend ég ekki í þrjá klukkutíma í möl á 10 cm hælum fyrir hvern sem er!

svo fóru stelpurnar heim og þá fyrst byrjaði fjörið..

eva byrjaði að veslast upp um kvöldið og var orðin fárveik daginn eftir.. og stelpurnar líka fárveikar heima á klakanum..

ég var nú samt orðin tiltölulega hress kvöldið eftir en ákvað nú samt á þriðjudeginum að kíkja útá skólaheilsugæsluna til að fá eitthvað við hóstanum frá hjúkkunni...

þar fékk ég engu um ráðið og var testuð fyrir svínaflensu... sem var alveg frekar áhugavert.. á meðan hjúkkan beið eftir niðurstöðunum úr testinu ákvað hún að hitamæla mig..

ég var hitalaus.. flott mál

svo ákvað hún að testa eyrun.. allt í góðu þar

svo athugaði hún hálsinn og viti menn engar bólgur þar..

svo að þegar testið var hálfnað var hún bara nokkuð hress kellingin og sagði mér að ég þyrfti nú ekki að hafa neinar áhyggjur, ég væri örugglega bara með kvef...

en svo leit hún allt í einu á testið í smá stund og leit svo aftur á mig og sagði alvarlega: i'm sorry.. it's positive..

og þá byrjaði dramað.. DUU DUUU DUUUUMMM!

eva komin með grísinn og sett í einangrun inní íbúð í FIMM ÓTRÚLEGA ALLRA LENGSTU DAGA SEM AÐ ÉG HEF UPPLIFAÐ...

en samt ekki fyrr en ég var búin að senda email á alla prófessorana mína um að ég væri með piggy flu (nota bene fyrir framan hjúkkuna, mátti ekki fara fyrr en hún var búin að sjá að ég væri búin að senda mailið) og búið var að fylla vasana á buxunum mínum af verkjatöflum og einnota hitamælum...

og auðvitað fékk ég japanagrímu til að setja á smettið og var ekki hleypt útúr heilsugæslunni fyrr en ég var búin að setja hana upp og ég efast um að ég þurfi að taka það fram hvað mér leið eins og mesta fífli í alheiminum labbandi um campusinn með grímuna til að komast aftur útí íbúð..

allavega þurfti ég já, að hanga alein inní íbúð í heila fimm daga.. ég sem var nú þegar búin að vera veik í þrjá daga fyrir... þrífingakonurnar máttu ekki einu sinni koma inn til að tæma ruslið

en ég fékk að fara aftur í skólann í dag, svínslaus og hress, og núna tekur við grimmt lærdómstörn alveg fram yfir afmælið mitt..

það að segja að ég sé að drukkna úr skóla er klárlega understatement.. en þetta er samt svo rosalega, rosalega mikið þess virði.. og alveg brjálæðslega gaman..

ég verð nú samt að viðurkenna að ég get ekki beðið eftir því að koma heim um jólin og slappa bara af í heita pottinum og þurfa ekkert að hugsa um neitt sem kallast homework eða papers.. aaahh :)

jæja núna er maður orðinn ekta...

merkt sjóræningjaskólanum í bak og fyrir!

get ekki lýst því hvað það er notalegt að hoppa bara í stuttbuxur og víðan bol á morgnanna og skottast þannig út í tíma...

allt án þess að gera sig að fífli fyrir ósmekklegheit þar sem að akkúrat allir klæða sig svona....

aaaaaahh

kv, eva sem er ekki að fara á kings of leon og pearl jam um helgina því að hún ætlar að eyða helginni lærandi á milljón... allt til þess að eyða bestu viku í heimi með stelpunum mínum frá og með mánudeginum :)

jæja ég held að það sé nú alveg kominn smá tími á smá update frá manni...

herbergis... eða jú íbúðarfélaginn minn flutti út í dag, stelpugreyið er víst ekki alveg að meika það andlega séð þessa dagana og var víst ekki búin að mæta í tíma í nokkrar vikur.. og allt án þess að ég hefði hugmynd um það..

ég vissi nú alveg að hún væri mjög stressuð týpa en ég hafði nú ekki hugmynd um að kvíðinn væri svona slæmur

ég var nú reyndar búin að spá í því af hverju ég rækist aldrei á hana þegar ég færi útúr íbúðinni á morgnanna en bjóst nú bara við því að hún væri í eyðu í fyrstu tímunum...

en allavega þá er hún búin með sinn síðasta sjens hjá skólanum í bili..

ooojæja...

ég vorkenni greyið stelpunni nú alveg helling en þetta kemur þannig lagað sér ekkert illa fyrir mig þar sem að við vorum akkúrat ekkert nánar...

núna er ég sem sagt með íbúðina útaf fyrir mig eina... og ég get alls ekki sagt að mér finnist það leiðinlegt..

ég er sem sagt með tvö svefnherbergi....

meeeeeeega skápapláss

tvö baðherbergi..

og sex ruslafötur! (ég veit nú ekki alveg hvernig ég á að nýta mér það, en hey.. sex fötur eru betri en þrjár)

skólinn á nú örugglega eftir að skella einhverjum hingað inn til mín á einhverjum tímapunkti en það er nú alveg líklegt að það verði ekkert fyrr en á næstu önn...

kemur í ljós!

-----------------------------

tímasetningin á þessari fermetraaukningu gæti nú ekki hafa verið betri þar sem að sveinbjörg, guðlaug og þórdís eru að hoppa uppí flugvélina til usa á morgun...

þær mæta nú samt ekki hingað fyrr en á mánudaginn sem að gefur mér hellings tíma til að læra eins og vitleysingur þangað til að þær koma svo að ég geti eytt sem mestum tíma með þeim hérna...

svo að já.. það munar nú um auka baðherbergi þegar við erum fjórar saman hérna í íbúðinni! haha!

-----------------------------

skólinn gengur fínt, eða eiginlega bara mjög vel þessa dagana..

í þessari viku fékk ég fyrstu stóru einkunnirnar mínar og hefði ekki getað verið ánægðari með þær.. ég fékk 8,5 á fyrsta miðannaprófinu sem ég hef tekið hérna og 8,8 fyrir fyrstu ritgerðina sem ég hef nokkurn tímann skrifað á ensku og var með þeim hæstu í bekknum..

svo að allar áhyggjur um að maður væri ekki að ná að fylgja hinum krökkunum í náminu eru horfnar, allavega í bili :)

ég tók svo þátt í kappræðum/rökræðum í einum áfanganum í dag... einhvern veginn asnaðist ég til þess að bjóða mig fram í þær fyrir helgi og var farin að sjá alveg illilega eftir því á tímapunkti..

eeeen þetta tókst nú bara ágætlega.. ég er allavega enn á lífi

-----------------------------

og já..

ég er loksins búin að komast að því hvað "hæ eva" gaurinn heitir, það tók mig ekki nema heilan mánuð að komast að því.. gott múv eva! haha!

svo að núna get ég loksins sagt hæ án þess að vera með bömmer.. flott mál!

í fréttum er þetta helst...

ísland 14. desember til 6. janúar!

en fyrst..

NEW YORK 11.- 13 des!

þegar ég sá að það var ódýrara að fljúga heim í gegnum new york heldur en boston var ég nú ekki lengi að velja hvora leiðina ég ætti að fara..

og þegar ég kveikti á því að það var jafn ódýrt að fljúga frá new york á sunnudagskvöldinu og föstudagskvöldinu var það alveg á hreinu að helginni yrði eytt í ny..

maður getur ekki eytt ári hérna úti án þess að sjá þessa borg.. ekki sjens!

svo að þá varð maður að finna einhvern námsmannavænan (aka ódýran) stað til að eyða helginni á og þar sem að öll hótel í new york eru rándýr svona rétt fyrir jól (nema náttúrulega að ég vilji enda sem ghettómatur í harlem) þá var stefnan tekin á að finna eitthvað kósí hostel...

herbergisfélaganum mínum leist akkúrat ekkert á þessa hugmynd hjá mér að vera að ferðast þangað ein (og hvað þá að gista á einhverju hosteli) og af viðbrögðunum að dæma sá hún fyrir sér að ég yrði rænd, kveikt í mér og ég skorin á háls um leið og ég stigi útúr flugvélinni...

jájá..

hinsvegar er það eina sem ég sé fyrir mér times square, amerískar jólaskreytingar og jólatréð við rockafeller center...

ahhhh :)

allavega fann ég lítið og kósí hostel í brooklyn sem lofar mjög góðu... ég er búin að lesa helling af reviews um það og það fer ekki undir 90% í meðaleinkunn á öllum síðum sem ég hef farið á svo að þetta er alveg save fyrir litla stelpu frá íslandi... ég ætti allavega ekki að vera skorin á háls..

---------------------

annars er allt gott að frétta í texas...

það ringdi á föstudaginn

mér fannst það frekar fyndið að háskólinn sendi út email til að vara við rigningunni..

"það er rigning í teeeeexas!!!! ekki fara út að keyra!!!"

hahaha.. yndislegt

---------------------

herbergisfélaginn, eða íbúðarfélaginn frekar, er alveg ágæt.. en við erum algjörlega svart og hvítt á alla vegu.. fatasmekk (hún fílar bleikt, blúndur og blóm), matarsmekk (hún er grænmetisæta), tónlistarsmekk (uppáhaldið hennar er klassísk tónlist), áfengissmekk (þar sem að hún bara drekkur ekki) og húmor, en ég komst svo skemmtilega að því í gær að hún fýlar ekki svartan húmor..

málið er að við sjáumst frekar sjaldan þar sem að við förum alltaf inn og út úr íbúðinni á mismunandi tímum.. og þar sem að það er akkúrat ekkert við að hafast inní stofu hjá okkur þá erum við frekar bara inní herbergjunum okkar..

ég rakst á hana inní eldhúsi í gær og við fórum að tala um það hvernig við hittumst aldrei

ég sagði henni bara að hún þyrfti ekki að hafa áhyggjur af mér nema ef að hún fyndi einhverja rotnandi lykt koma út úr herberginu þá mætti hún hringja á lögguna

svo hló ég eins og vitleysingur..

hún hló bara ekki neitt heldur sagði mér vingjarnlega að segja ekki svona ljótt...

verð að muna það næst: engann svartan húmor við herbergisfélagann.. hahaha

---------------------

á mánudaginn næsta þarf ég bæði að fara í próf og skila heimaprófi... svo að næsta helgi fer öll í það að lesa, lesa, lesa og lesa meira... vúhú...

alveg eins og þessi helgi fór í það að lesa ekki, lesa ekki, lesa ekki og lesa ennþá minna..

á laugardaginn var bid day hjá allavega tveim af fraternity-unum hérna en það er dagurinn þar sem að nýjir meðlimir eru teknir inn.. það var nú alveg frekar skemmtilegt að fylgjast með því og sjá loksins goggunarröðina sem að er í gangi þarna..

t.d. er það þannig í einu þeirra að þeir elstu þurfa ekki að borga fyrir áfengið sem að keypt er fyrir partýin þeirra..

kostnaðurinn fellur sem sagt á alla nema þá sem eru á elsta árinu og það er nú alveg ágætlega mikið þar sem að þeir halda partý að minnsta kosti 2x á viku þar sem að er alltaf boðið upp á nokkra kassa af bjór

hins vegar var það önnur goggunarröð í einu öðru félaginu hérna sem mér fannst merkilegust.. þar eru það nýju gaurarnir (sem sagt þeir sem teknir voru inn á laugardaginn) sem að fá það hlutverk að þrífa húsið þeirra...

þetta er sem sagt í húsinu sem að ég kalla hippahúsið þar sem að það búa eiginlega ekkert nema hippar þar (grínlaust)... en líka út af því að það er nánast ómögulegt fyrir manneskju að búa þarna nema að hún sé mjöööög mikill hippi í sér..

af hverju?

jú, þar sem að nýju gaurarnir voru ekki teknir inn fyrr en um helgina er ekkert búið að þrífa húsið síðan um miðjan ágúst þegar þeir eldri fluttu inn... og við erum að tala um sirka tíu stráka sem búa saman og detta í það á nánast hverjum einasta degi..

og eftir að hafa fengið að sjá inní herbergin þeirra á laugardaginn þá elsku mamma mín, ég er ekki draslari! hahahhaa!

ég sver að eitt herbergið var eins og yfirgefið fangelsi í afríku.. ein blettótt dýna á gólfinu (ekkert lak), föt og matarmylsnur og ógeð útum allt gólf (ég held allavega að það hafi verið gólf þarna undir, ég sá það samt ekki)..

ég var eiginlega mest hissa á því að hafa ekki séð rottuveislu þarna inni en kakkalakkarnir hafa nú pottþétt verið á fullu þarna einhversstaðar undir öllu ógeðinu..

svo deila þeir allir einu risa baðherbergi svo að þið getið ímyndað ykkur hvernig það leit út.. ég hefði ekki farið í sturtu þarna þó að ég fengi milljón fyrir!

t.d. var dauður kakkalakki á miðju gólfinu sem að tveir strákarnir sögðu mér (mjög stoltir) að þeir væru að geyma um leið og annar þeirra ýtti við kvikindinu með öðrum fætinum til að sýna mér að hann væri alveg dauður...

guð hvað ég vona þeirra vegna (þó að ég viti að þeim sé slétt sama, þeir eru ekki hippar fyrir ekki neitt) að einhver af nýju gaurunum kunni að skúra..

og líka að einhver þeirra kunni að laga loftræstinguna þar sem að hún er víst búin að vera biluð í heilt ár.. en það er nú alveg ástæða fyrir því að hún er búin að vera biluð í heilt ár.... again, hippunum er slétt sama!

hef ég einhvern tímann sagt að ég elska þennan stað? hahaha! :)

eva

(sem er búin að finna svalasta plaggat í heimi fyrir ljótu skápahurðina sína)

jæja núna er helgarfríið loksins að verða búið...

það var labor day í gær svo að það var frí í skólanum og svo er ég aldrei í tímum á þriðjudögum svo að ég er búin að eiga alveg frekar langa helgi...

helgin var nú samt frekar róleg þar sem að það fara næstum allir heim til sín yfir þessa helgi.. campusinn var næstum því alveg tómur..

------------------------

tölvan sem ég keypti um daginn var búin að vera með endalaus leiðindi við mig.. frjósandi daginn út og inn svo að ég ákvað að fara með hana til baka í dag og reyna að fá nýja tölvu...

ég bjóst nú við því að þeir myndu nú taka sér allavega tvær vikur í að skoða tölvuna og athuga hvort hægt væri að gera við hana og svo framvegis eins og viðhorfið er alltaf heima...

en nei, nei.. eftir að verkstæðisgaurinn hafði skoðað hana að utan í svona 2 mín rétti hann mér blað og sagði: farðu með þetta niðrí afgreiðslu og þeir láta þig fá nýja tölvu..

easy peasy..

ég og vinur minn sem skutlaði mér þangað vorum nú bara frekar ánægð þar sem að við bjuggumst nú við að vera heillengi þarna inni og standa í rökræðum við gaurinn um hvort að tölvan væri biluð eða ekki..

svo að núna er ég inní íbúð rosa ánægð með nýja og shjæní tölvu sem að svínvirkar.. svona á almennileg þjónusta að vera:)

------------------------

ég held að ég sé búin að læra 5 þúsund sinnum meira heima á þessum tveim vikum í námi hérna heldur en ég hef gert á öllum önnunum mínum í hí til samans!

það er brjálæðslega mikið lesefni fyrir hvern einasta tíma og bekkirnir eru yfirleitt frekar litlir svo að það þýðir ekkert að ætla að sleppa því að lesa.. tímarnir snúast nefnilega oftast uppí umræður og þá er eiginlega möst að vita eitthvað...

en þetta er bara gott mál því að ég er að læra alveg hrikalega mikið af þessu... t.d. kann ég í fyrsta skipti almennilega muninn á klassískum realisma og strúktúral realisma bara eftir það að vera í 7 manna bekk þar sem að kennarinn spjallar almennilega við mann (þ.e.a.s. á mannamáli) um þessar kenningar.

ég verð sem sagt orðin séní í leiðinlegum kenningaskólum þegar ég kem heim! múhahaha! :)

annars er ekki allt lesefnið svona leiðinlegt... t.d. er ég að lesa the godfather í einum áfanganum núna og fer svo að lesa bók um gandhi seinna í vetur... spennó!

------------------------

jææææja.. halda áfram að læra svo að ég verði mögulega búin með heimavinnuna fyrir miðnætti!

eva

ps.

adressan mín sem ég er alltaf búin að gleyma að láta alla fá:

Eva Karlsdottir

SU Box 6012

1001 E. University Ave.

Georgetown, TX 78626

USA

pakkar og bréf af öllum stærðum og gerðum velkomin!

(sérstaklega ef að þeir innihalda íslenskt nammi! hahaha)

skólinn hérna er með alveg rosalega sérstakt kerfi þegar kemur að því að taka próf...

þegar maður byrjar í námi hérna þarf maður að skrifa undir "honor code" sem að er svona:

"As a student of Southwestern I hereby pledge my full support to the Honor Code. I pledge to be honest myself, and in order that the spirit and integrity of the Honor Code may endure, I pledge that I will make known to the Honor Code Council any case of academic dishonesty which I observe at Southwestern."

maður skrifar nafnið sitt undir þetta í rosa fína bók og það þýðir að þú ætlir ekki að svindla á meðan þú stundar nám við skólann...

svo þegar kemur að því að skila inn einhverju sem metið er til eininga (hvort sem að það er venjulegt próf, heimaverkefni, ritgerðir eða heimapróf) fellur það allt undir þennan "honor code"...

sem sagt.. áður en maður skilar eintakinu inn skrifar maður neðst á það:

"I have acted with honesty and integrity in producing this work and am unaware of anyone who has not" og kvittar svo undir það..

þetta þýðir að þú hafir ekki svindlað og hafir ekki orðið vitni að neinu svindli...

og það besta er...

að fyrst að þetta kerfi er í gangi þá fara allir kennararnir útúr stofunni á meðan tekin eru próf!

þeir treysta nemendunum fyrst að þeir sverja að þeir hafi ekki svindlað...

ég ætla ekki einu sinni að ímynda mér hvernig þetta kerfi myndi ganga í hí... HAHAHAHAHA!

--------------------------------

allavega þá var helgin alveg mögnuð... ég fór á föstudeginum til austin með herbergisfélaganum og foreldrunum hennar að sjá wicked, broadway söngleik sem er að túra um bandaríkin..

laugardaginn fórum ég og warren með vinkonu okkar á djammið niðrí Austin og það var algjör gargandi snilld! aðal djammgötunni er alveg lokað fyrir bílaumferð og það er alveg stappað af fólki en samt ekki það mikið að maður þurfi að bíða í endalausum röðum..

við enduðum svo kvöldið með stoppi á whataburger sem er nokkurn veginn texas útgáfan af mcdonalds... ástæðan fyrir því að hann varð fyrir valinu er sú að í hvert skipti síðustu vikurnar sem að við höfum sagt fólki að við höfum ekki farið þangað fær fólk gjörsamlega kast! það skilur ekkert í fólki sem sé búið að vera í texas í tvær vikur án þess að fá sér

whataburger..

allavega er þetta sem sagt svona texas útgáfan af mcdonalds, þ.e.a.s. með aaaaalvöru börgerum (svona miðað við skyndibita allavega)... held allavega að ég muni ekkert fara á elsku makkadí hérna á meðan ég hef whataburgerinn..

kveðja

eva

(sem borðaði sveitta grilled cheese samloku og pönnukökur í kvöldmat í gær)

eitt af því sem að fylgir því að vera útlendingur hérna er það að það þekkja þig allir... Um 90-95% af nemendunum hérna koma frá texas og svo eru nokkrir sem að koma frá öðrum fylkjum en ég held að við útlendingarnir hérna séum ekki mikið fleiri en 10 (við skiptinemarnir þrír plús nokkrir krakkar sem eru í fullu námi hérna..)

þetta þýðir það að þegar fólk er kynnt fyrir manni gleymir það manni sjaldnast... hins vegar munum við warren aldrei hvað fólk heitir (sérstaklega þar sem að við erum oftast alveg vel ölvuð þegar við hittum nýtt fólk)..

svo það klikkar ekki að á hverjum degi hitti ég fólk sem heilsar mér og fer að spjalla við mig og ég hef bara ekki minnstu hugmynd um hvað það heitir eða hvar ég hitti það til að byrja með...

t.d. er einn strákur sem að ég, á einhvern ótrúlegan hátt, rekst á allavega 2-3 sinnum á dag.. í hvert eiiiiiiiiiiiinasta skipti kallar hann "hey eva! hiii!" og það eina sem kemur uppúr mér er "hiiiii!" og vandræðalegt bros því að ég hef ekki hugmynd um hvað hann heitir..

núna er ég örugglega búin að hitta hann svona 50 sinnum svo að það að spyrja hann hvað hann heitir er ekki inní myndinni lengur (það yrði bara aðeins of vandræðalegt samtal).. svo að þangað til að ég kemst einhvern veginn að því hvað hann heitir þá er hann bara "hæ gaurinn" :)

-----------------------

akkúrat núna er hópur af liði fyrir utan íbúðina mína að spila einn allra asnalegasta boltaleik sem ég hef séð.. það hleypur um með þúsund bolta af mismunandi stærðum, er búið hengja upp húllahringi útum allt og markverðirnir verja markið með kústum...

jú..

þetta er hópur af harry potter nördum að spila quidditch... hahahaha! ég fæ alveg kjánahroll niðrí tær þó að þetta líti nú út fyrir að vera bara hin fínasta skemmtun...

-----------------------

auðvitað tókst mér að týna húslyklunum mínum... og það líka inní íbúðinni..

allavega þá kom ég heim eftir tíma í gær og var að senda sms um leið og ég labbaði inn svo að seinna um daginn mundi ég ekkert hvar ég hafði látið lykilinn frá mér..

eftir að hafa leitað gjörsamlega alls staðar er ég eiginlega alveg viss um að ég hafi bara gleymt lyklinum í skránni og einhver hafi tekið hann... finnst eiginlega ekkert annað koma til greina..

en já.. ég eyddi sem sagt ágætum 10 mínútum með lásasmiðnum hérna áðan að skipta út lásnum

sem að kostar mig líklega eitthvað í kringum 100$..

rosa frábært..

-----------------------

í gær fórum við warren út að borða með tveim vinum okkar á ekta tex mex stað... þannig að ef að einhver vill koma hingað í heimsókn þá veit ég um staðinn þar sem hægt er að fá bestu margariturnar í öllum aaaaalheiminum! tequila hefur aldrei bragðast eins vel!

allavega var þetta alveg geggjaður staður og hann varð alveg ennþá meira spennandi þegar veðrið snarbreyttist og það voru þrumur og eldingar útum allt.. okkur útlendingunum fannst það auðvitað alveg meeeega spennandi.. litum örugglega út eins og fífl öskrandi úúúúúúúúúúú! í hvert skipti sem að við sáum eldingu hahaha!

eftir matinn var ferðinni enn og einu sinni heitið yfir í ka húsið sem er, að mínu mati, skemmtilegasta frat húsið hérna.. þar komumst við að því að þessi bjórkvöld sem að eru haldin hérna alla miðvikudaga (þau kalla þessi kvöld study break) eru ekkert bara smá bjórkvöld heldur eru þetta bara mega partý.. sem er náttúrulega ekkert leiðinlegra;)

þannig að það var smá þynnka í morgun.. bara smááá..

-----------------------

helginni verður eytt í það að skoða austin sem að við höfum ekki getað gert nógu mikið af hingað til... og í að fá sér kannski einn bjór :)

eva,

sem er eins og þið sjáið strax orðin að ekta redneck...